ຄ່າໄຟ­ຟ້າກະ­ໂດດແພງຂຶ້ນໄດ້ກາຍ­ເປັນບັນ­ຫາເຄັ່ງ­ຮ້ອນສັງ­ຄົມຕ້ອງ­ການຄຳຕອບທີ່­ແທ້ຈິງ ຂະ­ນະທີ່ໄຟ­ຟ້າຊີ້ແຈງວ່າສາ­ເຫດແມ່ນເປັນຍ້ອນຜູ້ຊົມ­ໃຊ້ເອງ.

ບໍ່ແມ່ນຂຶ້ນກັບການຄິດ­ໄລ່ຂອງທາງໄຟ­ຟ້າທັງນີ້ໄດ້ຮຽກ­ຮ້ອງໃຫ້ພໍ່ແມ່ປະ­ຊາ­ຊົນຈົ່ງມີສະ­ຕິໃນການຊົມ­ໃຊ້ຢ່າງປະ­ຢັດເພື່ອຫຼຸດ­ຜ່ອນຄ່າໃຊ້ຈ່າຍໃນຄອບ­ຄົວກໍຄືປະ­ຢັດພະ­ລັງ­ງານຊ່ວຍຊາດນຳອີກ, ຈາກກໍ­ລະ­ນີເລື່ອງຄ່າໄຟ­ຟ້າແພງທີ່ສັງ­ຄົມສ່ວນຫຼາຍສົນ­ໃຈມາໃນ ວັນທີ 24 ພຶດ­ສະ­ພາຜ່ານມາ ທ່ານ ມີໄຊ ຈິດ­ຕະ­ລາດ ຫົວ­ໜ້າຝ່າຍປະຕິບັດການໄຟ­ຟ້ານະ­ຄອນ­ຫຼວງ ພ້ອມຄະ­ນະໄດ້ອອກມາຖະ­ແຫຼງຂ່າວຕໍ່ຊື່ມວນຊົນວ່າ: ຫຼັກ­ການລວມໃນການຄິດ­ໄລ່ແມ່ນອີງຕາມຫຼັກການທີ່ຕ່າງ­ປະ­ເທດຄິດ­ໄລ່ແຕ່ອາດຈະຕ່າງກັນເລື່ອງນະ­ໂຍ­ບາຍ ໂດຍແຕ່ລະປະ­ເທດອາດມີຄວາມແຕກຕ່າງກັນໄປຊຶ່ງລາ­ຄາການຄິດ­ໄລ່ແມ່ນອີງຕາມແຈ້ງການຂອງລັດ­ຖະ­ມົນ­ຕີກະ­ຊວງພະ­ລັງ­ງານ ແລະບໍ່ແຮ່ ສະ­ບັບເລກທີ 0325/ພບ ລົງວັນທີ 9 ມີ­ນາ 2012 ໂດຍລາ­ຄາໄຟ­ຟ້າຈະເພີ່ມຂຶ້ນ 2% ຕໍ່ປີນັບແຕ່ປີ 2013-2017 ແລະຫຼັງຈາກນັ້ນ­ແລ້ວລາ­ຄາໄຟ­ຟ້າຈະຂຶ້ນ ຫຼື ລົງແມ່ນອີງຕາມລັດ­ຖະ­ບານເປັນຜູ້ປະ­ກາດ.

   ສຳ­ລັບບັນ­ຫາເລື່ອງປະ­ເພດທີ່­ຢູ່ອາໄສພວກເຮົາກໍໄດ້ເອົາ­ໃຈ­ໃສ່ຊີ­ວິດການເປັນຢູ່ຂອງປະ­ຊາ­ຊົນແຕ່ຢາກໃຫ້ຮູ້ນຳ ກັນວ່າ­ຄວາມໝາຍຂອງຄຳວ່າ ທຸກຍາກນີ້ແມ່ນບໍ່ມີເຄື່ອງ­ໃຊ້ຂອງສອຍຫຍັງແຕ່ພັດກົງ­ກັນ­ຂ້າມວ່າຜູ້ທຸກຢູ່ແຕ່ເຄື່ອງ­ໃຊ້ໄຟ­ຟ້າພາຍໃນເຮືອນພັດມີຄົບອັນນັ້ນມັນກະເຮັດໃຫ້ເສຍຄ່າໄຟແພງ ສະ­ນັ້ນ ຈະເວົ້າວ່າພວກເຮົາບໍ່ມີນະ­ໂຍ­ບາຍຕໍ່ປະ­ຊາ­ຊົນມັນກະເປັນໄປບໍ່ໄດ້ມັນຂຶ້ນກັບຜູ້ຊົມ­ໃຊ້ເອງ, ຖ້າຢາກໃຫ້ຫຼຸດພວກເຮົາກະຢາກຫຼຸດແຕ່ບໍ່ສາ­ມາດມີຄວາມເປັນໄປໄດ້ເນື່ອງຈາກອີງ­ໃສ່ເງື່ອນ­ໄຂຂອງລັດ­ຖະ­ບານເປັນຫຼັກລາ­ຄາໄຟ­ຟ້າໜ້ອຍຫຼາຍແມ່ນຂຶ້ນກັບລັດ­ຖະ­ບານ, ກະຊວງໂດຍທີ່ຜ່ານການອະ­ນຸ­ມັດຂອງສາພາແລ້ວພວກເຮົາພຽງປະ­ຕິ­ບັດຕາມ.

ທັງນີ້ ທ່ານ ມີໄຊ ຈິດ­ຕະ­ລາດ ຍັງກ່າວຕື່ມອີກວ່າ: ຢາກໃຫ້ປະ­ຊາ­ຊົນຜູ້ຊົມໃຊ້ໄຟ­ຟ້າເຂົ້າ­ໃຈນຳກັນລະ­ຫວ່າງລາ­ຄາ ໄຟ­ຟ້າກັບຄ່າໄຟ­ຟ້າຊຶ່ງລາ­ຄາໄຟ­ຟ້າ ແມ່ນຂຶ້ນ 2% ຕໍ່ປີແຕ່ຄ່າໄຟ­ຟ້າແຕ່ລະເດືອນຈະຂຶ້ນ ຫຼື ບໍ່ແມ່ນຂຶ້ນກັບການຊົມໃຊ້ພະ­ລັງ­ງານຂອງຜູ້ຊົມ­ໃຊ້ເອງນອກນັ້ນກໍຍັງຂຶ້ນຢູ່ກັບສະ­ພາບອາ­ກາດເປັນຕົ້ນອາ­ກາດຮ້ອນການຊົມ­ໃຊ້ໄຟ­ຟ້າອາດຫຼາຍຂຶ້ນກວ່າປົກ­ກະ­ຕິສະ­ນັ້ນຈິ່ງຢາກໃຫ້ບັນ­ດາພໍ່ແມ່ປະ­ຊາ­ຊົນທີ່ມີຄວາມສົນໃຈຈົ່ງໄດ້ເຂົ້າ­ໃຈນຳກັນ.

   ແນວ­ໃດກໍດີສຳ­ລັບການຄິດ­ໄລ່ຄ່າກະ­ແສໄຟ­ຟ້າແມ່ນຄິດ­ໄລ່ຕາມຂັ້ນ­ໄດ 3 ຂັ້ນຄື: ໜຶ່ງລາ­ຄາແຕ່ 0-25 ກິໂລວັດ ໂມງ ແມ່ນ 348 ກີບຕໍ່ກິໂລວັດ ໂມງ, ສອງແຕ່ 26-150 ກິໂລວັດໂມງ 414 ກີບຕໍ່ກິໂລວັດໂມງ ແລະຂັ້ນ­ໄດທີສາມ ແຕ່ 151 ຂຶ້ນໄປແມ່ນ 999 ກີບຕໍ່ກິໂລວັດໂມງ.

   ນອກ­ຈາກນັ້ນ, ພິ­ຈາ­ລະ­ນາຍົກ­ຍ້າຍບ່ອນປະ­ຈຳ­ການຂອງປະ­ທານສານປະ­ຊາ­ຊົນເຂດ 1 ແຂວງຄຳມ່ວນ, ປຶກ­ສາຫາ­ລືການນຳໃຊ້ອິນເຕີເນັດ, ປຶກ­ສາຫາ ລືການລວມສູນດ້ານງົບ­ປະ­ມານ, ປຶກ­ສາຫາ­ລືການບໍ­ລິ­ຫານລັດຜ່ານປະ­ຕູດຽວ ແລະພິ­ຈາ­ລະ­ນາວຽກງານອື່ນອີກຈຳ­ນວນໜຶ່ງ.

– ພາບ ແລະ ຂ່າວຈາກ: logoSedthakid

Tagged on:

Leave a Reply

Your email address will not be published. Required fields are marked *