ໃນຍຸກປະ­ຈຸບັນເກືອບທຸກເຮືອນມັກຈະມີຄອມພິວເຕີ ແລະອິນເຕີເນັດໃຊ້ເກືອບໝົດແລ້ວຊຶ່ງຊ່ວຍໃຫ້ເຮົາ ສະ­ດວກສະ­ບາຍກວ່າແຕ່ກ່ອນຫຼາຍ ແຕ່ສິ່ງໜຶ່ງທີ່ມັກຈະເປັນສິ່ງຈຳ­ເປັນຄູ່ກັນກັບການໃຊ້ຄອມພິວເຕີສ່ວນຕົວ ຫຼື ໂນດບຸກກໍຄືການມີເຄື່ອງ­ພິມ (printer) ໄວ້ສຳ­ລັບພິມວຽກຕ່າງໆຕາມທີ່ເຮົາຕ້ອງ­ການ.

ແຕ່ກ່ອນເລືອກຊື້ເຄື່ອງ­ພິມດີໆຈັກເຄື່ອງໜຶ່ງອາດເຮັດໃຫ້ຫຼາຍໆທ່ານປວດຫົວຢູ່ບໍ່ໜ້ອຍທັງເລື່ອງຍີ່­ຫໍ້ ແລະຮຸ່ນທີ່ມີຫຼາກຫຼາຍຈົນຈື່ບໍ່ໄດ້ ຫຼື ຄຸນລັກ ສະນະຕ່າງໆອີກມື້­ນີ້ ຄໍລຳຜ່າໂລກໄອທີມີ 10 ເຕັກ­ນິກໃນການເລືອກຊື້ ເຄື່ອງ­ພິມມາຝາກກັນມີດັ່ງຕໍ່ໄປນີ້:

  1. ປຽບ­ທຽບເຄື່ອງ­ພິມແຕ່ລະຮຸ່ນດ້ວຍຜົນ­ງານແບບທີ່ເຮົາຕ້ອງ­ການເພາະງານພິມເອ­ກະ­ສານກຣາຟິກ ແລະຮູບຖ່າຍນັ້ນຕ້ອງ­ການເຄື່ອງ­ພິມທີ່ແຕກຕ່າງກັນຊຶ່ງໂດຍປົກ­ກະ­ຕິແລ້ວເຄື່ອງ­ພິມເລເຊີນັ້ນຈະພິມເອ­ກະ­ສານໄດ້ດີກວ່າສ່ວນເຄື່ອງ­ພິມອິງເຈັດຈະພິມທັງຮູບພາບແລະກຣາຟິກໄດ້ດີກວ່າ.
  2. ຖ້າຫາກບໍ່ຕ້ອງ­ການພິມງານສີເຄື່ອງ­ພິມເລເຊີຂາວດຳອາດເປັນທາງເລືອກທີ່ດີກວ່າເພາະນອກ­ຈາກໃຫ້ຄວາມໄວທີ່ເໜືອກວ່າແລ້ວຍັງໃຫ້ ຄຸນນະພາບງານພິມເອ­ກະ­ສານແລະກຣາຟິກດີກວ່າ
  3. ຢ່າປຽບ­ທຽບຄວາມໄວໃນການພິມຈາກຄ່າທີ່ບໍ­ລິ­ສັດໂຄ­ສະ­ນາ ແຕ່ໃຫ້ທຽບຄວາມໄວໃນການພິມທີ່ລະ­ອຽດທີ່ເຮົາຕ້ອງ­ການໃຊ້ງານ ເພາະເຄື່ອງ­ພິມອິງເຈັດຈະໃຊ້ຄວາມໄວສູງສຸດເປັນຈຸດຂາຍແຕ່ເຮົາຈະ ໃຊ້ວຽກທີ່ລະ­ອຽດສູງຢູ່ເລື້ອຍໆຫຼາຍກວ່າ
  4. ກວດສອບການເຊື່ອມຕໍ່ ຖ້າຫາກເຮົາຍັງໃຊ້ເຄື່ອງ­ພິມຮຸ່ນເກົ່າ ຫຼື ລະ­ບົບປະ­ຕິ­ບັດການຕົວເກົ່າທີ່ບໍ່ສະໝັບສະໜູນຕ້ອງແນ່ໃຈວ່າເຄື່ອງ­ພິມ ທີ່ຊື້ນັ້ນຕໍ່ພ່ວງກັບຜອດຂະ­ໜານ
  5. ທາງເລືອກທີ່ຄວນຈະເລືອກສຳ­ລັບເຄື່ອງ­ພິມທີ່ໃຊ້ຮ່ວມກັນຄືຕໍ່ກົງ ເຂົ້າເນັດເວີກໄດ້ ດັ່ງ­ນັ້ນຈິ່ງຄວນກວດສອບວິ­ທີການເຊື່ອມຕໍ່ ແລະຊອຟແວໃນການຄວບຄຸມກວດສອບເຄື່ອງ­ພິມທີ່ໃຫ້ມາອີກວ່າສາ­ມາດໃຊ້ວຽກຮ່ວມກັບເນັດເວີກທີ່ໃຊ້ວຽກຢູ່ໄດ້ ຫຼື ບໍ່
  6. ເຄື່ອງ­ພິມບາງຮຸ່ນສາ­ມາດເພີ່ມໜ່ວຍຄວາມຈຳໄດ້ ບາງຮຸ່ນພາຍໃນເຄື່ອງອາດບໍ່ມີໜ່ວຍຄວາມຈຳມາໃຫ້ ຫຼືມີພຽງເລັກນ້ອຍເພາະ­ວ່າຈະເຮັດ ວຽກທັງໝົດຈາກຄອມພິວເຕີກ່ອນໃນກໍ­ລະ­ນີທີ່ສາ­ມາດອັບເກຣດໜ່ວຍຄວາມຈຳ (ແຣມ)ໄດ້ ກວດສອບກ່ອນວ່າເຄື່ອງ­ພິມມີໜ່ວຍຄວາມຈຳມາໃຫ້ ພຽງ­ພໍກັບທີ່ເຮົາຕ້ອງ­ການເຊັ່ນ ອາດຈະຕ້ອງອັບເກຣດໜ່ວຍຄວາມຈຳໃຫ້ສູງຂຶ້ນເພື່ອຈະສາ­ມາດພິມງານທີ່ຄວາມລະ­ອຽດສູງສຸດ
  7. ຍິ່ງຖ້າເຮົາປ່ຽນອຸ­ປະ­ກອນສິ້ນເປືອງໜ້ອຍຄັ້ງເທົ່າ­ໃດຍິ່ງດີຖ້າເຮົາພິມເອ­ກະ­ສານມື້ລະ 25 ແຜ່ນແຕ່ເຄື່ອງ­ພິມຮອງຮັບເຈ້ຍໄດ້ 25 ແຜ່ນເຊັ່ນ ກັນເຮົາຈຳ­ເປັນຕ້ອງໃສ່ເຈ້ຍທຸກໆມື້ ໃນຂະ­ນະທີ່ເຄື່ອງ­ພິມຮອງັຮບເຈ້ຍໄດ້ເຖິງ 250 ແຜ່ນນັ້ນເຮົາພຽງແຕ່ໃສ່ເຈ້ຍເພີ່ມອາ­ທິດລະຄັ້ງເທົ່ານັ້ນດັ່ງ­ນັ້ນ ຈິ່ງຄວນເລືອກເຄື່ອງທີ່ບັນ­ຈຸເຈ້ຍແລະໝຶກໄດ້ຫຼາຍພໍກັບຄວາມຕ້ອງ­ການນຳໃຊ້ ໂດຍເຮົາບໍ່ຕ້ອງປ່ຽນດຸຈົນເກີນໄປ
  8. ຖ້າຫາກຈຳ­ເປັນຕ້ອງພິມງານປະ­ລິ­ມານຫຼາຍແທ້ໆ ວິ­ທີທີ່ດີທີ່ສຸດກໍຄືຈະຕ້ອງກວດສອບປະ­ລິ­ມານງານພິມທີ່ເຄື່ອງນັ້ນຮອງຮັບຕໍ່ເດືອນໂດຍ ເຄື່ອງທີ່ເລືອກໃຊ້ນັ້ນຄວນຈະຮອງຮັບງານພິມໄດ້ປະ­ລິ­ມານ 4 ເທົ່າຂອງງານພິມຕົວຈິງທີ່ເຮົາຕ້ອງ­ການ
  9. ກ່ອນຈະຊື້ເຄື່ອງ­ພິມຄວນກວດສອບເວັບໄຊຂອງຜູ້ຜະ­ລິດສາ­ກ່ອນເພື່ອເບິ່ງວ່າບໍ­ລິ­ສັດມີການອັບເດດດຣາຍເວີ ແລະມີຂໍ້ມູນທາງເຕັກ­ນິກບໍລິ ການເອົາໄວ້ໃຫ້
  10. ເມື່ອຕ້ອງ­ການປ່ຽບທຽບເຄື່ອງ­ພິມໃຫ້ກວດສອບຄ່າໃຊ້ຈ່າຍຕົວຈິງທີ່ຈະເກີດຂຶ້ນອຸ­ປະ­ກອນມາດ­ຕະ­ຖານຂອງເຄື່ອງເຊັ່ນສາຍໄຟ, ສາຍສັນ ຍານ, ຄວາມຈຸຂອງວັດສະດຸສິ້ນເປືອງ, ກັບໝຶກ, ບໍ່ແມ່ພຽງແຕ່ເບິ່ງຈາກລາ­ຄາເຄື່ອງ­ພິມທີ່ແຕກຕ່າງກັນເທົ່ານັ້ນເພາະຍິ່ງຖ້າຫາກເຮົາພິມຫຼາຍຄ່າໃຊ້ຈ່າຍຕໍ່ແຜ່ນທີ່ ເຖິງວ່າຈະຕ່າງກັນເລັກນ້ອຍຍ່ອມສົ່ງຜົນຕໍ່ຄ່າໃຊ້ຈ່າຍໂດຍລວມທັງໝົດໄດ້ເຊັ່ນກັນ.

ດ້ວຍ 10 ເຕັກ­ນິກທີ່ກ່າວມາຂ້າງເທິງອາດພໍເຮັດໃຫ້ທ່ານຜູ້ອ່ານສາ­ມາດເລືອກຊື້ເຄື່ອງ­ພິມທີ່ກຸ້ມຄ່າ ແລະເໝາະສົມໄດ້ບໍ່ຫຼາຍກໍໜ້ອຍເນາະ.

Tagged on:     

Leave a Reply

Your email address will not be published. Required fields are marked *