ຄະນະສະເພາະກິດສືບສວນຄະດີບໍລິສັດ ພີເອສ ຈັດຖະແຫຼງຂ່າວມື້ນີ້ ທີ່ກົມໃຫຍ່ຕຳຫຼວດ, ກະຊວງປ້ອງກັນຄວາມສະຫງົບ ແຈ້ງ ມາຮອດປະຈຸບັນ ມີຜູ້ມາແຈ້ງເສຍຫາຍຈາກການຮ່ວມລົງທຶນກັບບໍລິສັດພີເອສ

ທັງໝົດ 5.020 ຄົນ ລວມມູນຄ່າເສຍຫາຍ 196 ຕື້ກີບ ຜູ້ເສຍຫາຍສ່ວນໃຫຍ່ແມ່ນຢູ່ໃນນະຄອນຫຼວງວຽງຈັນ ແລະ ແຂວງໃກ້ຄຽງ. ປະຈຸບັນທາງເຈົ້າໜ້າທີ່ສະເພາະກິດ ເຊິ່ີງປະກອບດ້ວຍຫຼາຍອະນຸກຳມະການພວມທຳການປະເມີນມູນຄ່າຊັບສິນຂອງບໍລິສັດພີເອສທີ່ກ່ຽວຂ້ອງກັບເຫດການໃນຄັ້ງນີ້ເພື່ອກ້າວສູ່ການແກ້ໄຂສິດຜົນປະໂຫຍດຂອງຜູ້ເສຍຫາຍຈາກການລະດົມທຶນແບບຜິດກົດໝາຍຂອງບໍລິສັດພີເອສ. ຂະນະທີ່ຍັງມີຫຼາຍຄົນທີ່ຍັງບໍ່ທັນແຈ້ງເສຍຫາຍກັບເຈົ້າໜ້າທີ່ຢູ່ຕ່າງແຂວງ.

ps1

ພ້ອມດຽວກັນນີ້ທາງເຈົ້າໜ້າທີ່ຕຳຫຼວດ ກໍແຈ້ງມາຍັງພໍ່ແມ່ປະຊາຊົນຈົ່ງມີສະຕິ ຢ່າງຫລົງເຊື່ອຜູ້ແອບອ້າງວ່າມີທຸລະກິດທີ່ລາຍໄດ້ດີ ຜົນຕອບແທນສູງ ຖ້າພົບເຫັນບຸກຄົນ ຫຼື ກຸ່ມຄົນທີ່ມີພຶດຕິກຳດັ່ງກ່າວແມ່ນໃຫ້ແຈ້ງເຈົ້າໜ້າທີ່ກ່ຽວຂ້ອງ ເພື່ອຫຼີກລ່ຽງຄວາມເສຍຫາຍທີ່ເຄີຍເກີດຂຶ້ນໃນຜ່ານມາ ກັບຫຼາຍກໍລະນີ ເປັນຕົ້ນ ຄະດີເມດຕາບໍ່ປານີ, ແມັກກີ, ເອຊຽນເຟສ ແລະ ຫຼ້າສຸດບໍລິສັດພີເອສ.

  • ພາບ ແລະ ຂ່າວຈາກ: ສຳນັກຂ່າວສານປະເທດລາວ – KPL

Leave a Reply

Your email address will not be published. Required fields are marked *