ປະຊາຊົນ ເມືອງ ປາກລາຍ ແລະ ເມືອງ ຊະນະຄາມ ດີໃຈແຮງຂົວຂ້າມນໍ້າຂອງສຳເລັດແລ້ວ ປະຊາຊົນສອງຟາກຝັ່ງແມ່ນໍ້າຂອງລະຫວ່າງ 

ບ້ານນາສັກ ເມືອງປາກລາຍ ແຂວງໄຊຍະບູລີ – ບ້ານໂຄກເຂົ້າດໍ ເມືອງຊະນະຄາມ ແຂວງວຽງຈັນ ກໍຄືຜູ້ສັນຈອນຜ່ານເສັ້ນທາງດັ່ງກ່າວ ດີໃຈຫາອັນປຽບບໍ່ໄດ້ ທີ່ທາງການນຳຂອງແຂວງ ແລະ ບັນດາເມືອງອ້ອມຂ້າງທີ່ໄດ້ມາເປັນສັກຂີພະຍານ ໃນການເປີດນຳໃຊ້ຂົວແຫ່ງດັ່ງກ່າວ ໃນຕອນບ່າຍຂອງວັນທີ13 ກັນຍາ 2017 ໃຫ້ກຽດເຂົ້າຮ່ວມພິທີເປີດນຳໃຊ້ຂົວນຳໂດຍທ່ານ ເພັງນິລັນ ຄຳວັນເພັນ ຄະນະປະຈຳພັກແຂວງ ຮອງເຈົ້າແຂວງໆໄຊຍະບູລີ,ມີບັນດາການນຳເຈົ້າເມືອງອ້ອມຂ້າງ 4 ເມືອງໃຕ້ເຂົ້າຮ່ວມ.

ຂົວແຫ່ງນີ້ລົງມືສ້າງມາແຕ່ປີ 2012  ເຊິ່ງຖືເປັນຂົວຂ້າມນໍ້າຂອງທີ່ໃຊ້ເວລາສ້າງດົນທີ່ສຸດໃນລາວ

ການກໍ່ສ້າງຂົວຂ້າມນໍ້າຂອງແຫ່ງດັ່ງກ່າວແມ່ນໄດ້ເລັດແລ້ວ ເພາະຕະຫຼອດໄລຍະຜ່ານມາຫຼາຍຄົນທີ່ຜ່ານໄປ-ມາ ການເດິນທາງຜ່ານຈຸດດັ່ງກ່າວແມ່ນມີຄວາມຫຍຸ້ງຍາກ ຊັກຊ້າຫຼາຍ ທ່ານ ບົວວຽງ ຈຳປາພັນ ຫົວໜ້າໂຄງການ ກໍ່ສ້າງຂົວຂ້າມນ້ຳຂອງ ນາສັກ-ຄົກເຂົ້າດໍ ໄດ້ໃຫ້ສຳພາດວ່າ: ສະພາບການຈັດຕັ້ງປະຕິບັດໂຄງການກໍ່ສ້າງຂົວຂ້າມນ້ຳຂອງ ລະຫວ່າງ ບ້ານນາສັກ ເມືອງປາກລາຍ ແຂວງໄຊຍະບູລີ ຫາ ບ້ານຄົກເຂົ້າດໍ ເມືອງຊະນະຄາມ ແຂວງວຽງຈັນ ແມ່ນໄດ້ສຳເລັດ 100% ໃນເດືອນເມສາ 2017 ຕາມສັນຍາ.

ແຕ່ເພື່ອຮັບປະກັນດ້ານຄວາມປອດໄພ, ດ້ານຄຸນນະພາບ ແລະ ອາຍຸການໃຊ້ງານ ທາງໂຄງການຈຶ່ງເຫັນວ່າມີຄວາມຈຳເປັນຕ້ອງເພີ່ມ 2 ໜ້າວຽກເຂົ້າອີກຄື: 1: ທາສີຄືນໃໝ່ ແລະ 2: ສະເໜີປູຢາງຂົ້ວ (ປູອັດສະຟານ) ອີກຊັ້ນໜຶ່ງທັບໜ້າໜ້າຂົວ ເຊິ່ງມາຮອດປັດຈຸບັນພວກເຮົາສຳເລັດວຽກທາສີແລ້ວ 100%, ສ່ວນວຽກປູຢາງຂົ້ວແມ່ນສຳເລັດ 100%, ສ່ວນວຽກທີກຳລັງສືບຕໍ່ປະຈຸບັນແຕ້ມເສັ້ນ,ເລັນທາງແລະຕິດຕັ້ງປ້າຍຊີ້ບອກການສັນຈອນຄາດວ່າຈະສຳເລັດພາຍໃນວັນທີ17ກັນຍາ2017ນີ້.

ການເປີດນຳໃຊ້ຂົວແຫ່ງນີ້ ບໍ່ພຽງແຕ່ ເຊື່ອມຕໍ່ ເສັ້ນທາງ ຄົມມະນາຄົມ ບ້ານນາສັກ ເມືອງປາກລາຍ ແຂວງໄຊຍະບູລີ ຫາ ບ້ານຄົກເຂົ້າດໍ ເມືອງຊະນະຄາມ ແຂວງວຽງຈັນ ແລະ ບັນດາທ້ອງຖິ່ນ ໃກ້ຄຽງເທົ່ານັ້ນ, ແຕ່ ຍັງ ເປີດອອກໂອກາດຫຼາຍຢ່າງ ໃນການພັດທະນາເສດຖະກິດ, ວັດ ທະນະທຳ ແລະ ສັງຄົມໃຫ້ແກ່ທ້ອງຖິ່ນອີກດ້ວຍ. ນັບແຕ່ນັ້ນ ເປັນ ຕົ້ນມາ, ຜະລິດຕະພັນກະສິກຳ ແລະ ບໍລິການທ່ອງທ່ຽວຂອງ ພີ່ ນ້ອງພໍ່ແມ່ປະຊາຊົນນອກຈາກນັ້ນ, ອຳນາດການປົກຄອງເມືອງກໍຈະໄດ້ຊຸກຍູ້ ພັດທະນາການທ່ອງທ່ຽວຊຸມຊົນ ດ້ວຍການໃຫ້ປູກ ຕົ້ນໄມ້ ປະຈຳ ທ້ອງຖິ່ນ ຢູ່ຫົວຂົວ ທັງສອງເບື້ອງ ເພື່ອສ້າງພາບອັນສວຍງາມຂອງນັກທ່ອງທ່ຽວເມື່ອມາເຖິງທີ່ນີ້ ຈະໄດ້ຊົມທຳມະຊາດ,ໃນຂະນະທີ່

ພິທີເປີດມອບ-ຮັບການນຳໃຊ້ຢ່າງເປັນທາງການຈະຈັດຂຶ້ນໃນເດືອນຕຸລາ 2017 ທີ່ຈະມາເຖິງນີ້.

 

 

 

 


ຂ່າວ ແລະ ພາບ : ດາວປະດິດ ເສດຖາລາດ
Tagged on:         

Leave a Reply

Your email address will not be published. Required fields are marked *