ໃນວັນທີ 13 ກັນຍາ 2017 ກົມອຸຕຸນິຍົມ ແລະ ອຸທົກກະສາດ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ອອກແຈ້ງເຕືອນ

ສະບັບເລກທີ 0894/ກອຕທ ໃຫ້ເຝົ້າລະວັງພາຍຸໜູນເຂດຮ້ອນດອກສຸຣິ ທີ່ອາດຈະເຮັດໃຫ້ເກີດມີຝົນຕົກປານກາງ ຫາ ໜັກ ຢູ່ພາກກາງ ແລະ ພາກເໜືອ ໃນໄລຍະວັນທີ 15-17 ກັນຍາ 2017 ນີ້.

ພາຍຸດອກສຸຣິ (DOKSURI) ຫົວທີ 19 ປະຈຳປີ 2017 ໄດ້ປົກຄຸມເຂດທະເລຈີນໃຕ້ ໄກຈາກພາກເໜືອ ດ້ານຕາເວັນຕົກຂອງປະເທດຟີລິປິນ ເຊິ່ງໃນເວລາ 5 ໂມງ ຂອງວັນທີ 13 ກັນຍາ ພາຍຸຫົວນີ້ຢູ່ເສັ້ນຂະໜານທີ 14.6 ອົງສາເໜືອ ແລະ ເສັ້ນແວງທີ 117.4 ອົງສາ ຕາເວັນອອກກຳລັງເຄື່ອນທີ່ມາທາງທິດຕາເວັນຕົກດ້ວຍຄວາມໄວ 20 ກິໂລແມັດຕໍ່ຊົ່ວໂມງ. ພາຍຸຫົວນີ້ ຈະເພີ່ມກຳລັງແຮງຂຶ້ນເປັນພາຍຸໄຕ້ຝຸ່ນ ໃນຕອນເຊົ້າຂອງວັນທີ 14 ກັນຍາ ແລະ ຈະເຄື່ອນທີ່ຜ່ານເກາະ ໄຮ້ໜຳໃນມື້ຕໍ່ມາ ແລ້ວສືບຕໍ່ເຄື່ອນເຂົ້າຝັ່ງເຂດແຂວງ ວິງ ຂອງປະເທດຫວຽດນາມ ແລ້ວເຄື່ອນທີ່ຜ່ານາແຂວງບໍລິ ຄຳໄຊ, ໄຊສົມບູນ ແລະ ແຂວງຊຽງຂວາງ ໃນຕອນເຊົ້າຂອງວັນທີ 16 ກັນຍາ 2017 ນີ້.

03-1

ຈາກນັ້ນກໍ່ຈະອອກກຳລັງລົງເປັນພາຍຸດິເປຣເຊິນເຄື່ອນທີ່ຜ່ານແຂວງຫຼວງພະບາງ, ອຸດົມໄຊ ແລະ ບໍ່ແກ້ວ ໃນວັນທີ 17 ກັນຍາ, ການເຄື່ອນທີ່ຂອງພາຍຸຫົວນີ້ ຈະເຮັດໃຫ້ມີຝົນຕົກໃນລະດັບປານກາງ ຫາ ໜັກ ຢູ່ເປັນບໍລິເວນ ກວ້າງໃນເຂດພາກກາງ ຫາ ພາກເໜືອ ພ້ອມມີລົມພັດແຮງຢູ່ບາງທ້ອງຖິ່ນໃນໄລຍະວັນທີ 15-17 ກັນຍາ 2017 ນີ້.

ສະນັ້ນ, ຈຶ່ງແຈ້ງເຕືອນເຖິງອຳນາດການປົກຄອງທຸກພາກສ່ວນ ແລະ ພໍ່ແມ່ປະຊາຊົນທີ່ອາໄສຢູ່ບັນດາ ແຂວງພາກເໜືອ ແລະ ພາກກາງຈົ່ງມີສະຕິກຽມພ້ອມຮັບມືກັບສະພາບຝົນຕົກໜັກ ແລະ ລົມພັດທີ່ຈະກໍ່ໃຫ້ ເກີດມີນ້ຳຖ້ວມຊຸ, ນ້ຳຖ້ວມອັ່ງ, ດິນເຈື່ອນ, ລົມພັດແຮງ ເຊິ່ງຈະເປັນອັນຕະລາຍຕໍ່ຊີວິດ ແລະ ຊັບສິນຂອງພໍ່ແມ່ ປະຊາຊົນ, ພ້ອມນີ້ກໍ່ໃຫ້ກະກຽມເຄື່ອນຍ້າຍວັດຖຸສິ່ງຂອງ ແລະ ສັດລ້ຽງໄປໄວ້ບ່ອນທີ່ປອດໄພ ແລະ ຂໍໃຫ້ຕິດຕາມ ການລາຍງານສະພາບອາກາດຈາກກົມອຸຕຸນິຍົມ ແລະ ອຸທົກກະສາດ ຢ່າງເປັນປະຈຳ.

  • ພາບ ແລະ ຂ່າວຈາກ: www.laoslike.com
Tagged on:     

Leave a Reply

Your email address will not be published. Required fields are marked *